Будзе свята у Нясвiжы (12.08.97)

Адлiк беларускага кнiгадрукавання вядзецца з “Псалтыра” Францiшка Скарыны. Гэта было 480 гадоу таму. Менавiта гэтай даце i будзе прысвечана святкаванне Дня беларускага пiсьменства i друку. Чацвертае па лiку, яно пройдзе 7 верасня у Нясвiжы.

Адбылося другое пасяджэнне аргкамiтэта па падрыхтоуцы да свята, мерапрыемствы якога пачнуцца 3 верасня, калi ад Свята-Духава кафедральнага сабора у сталiцы Беларусi накiруецца у дарогу па гарадах i населеных пунктах краiны навукова-творчая экспедыцыя “Шлях да святыняу”. На яе правядзенне атрымана блаславенне мiтрапалiта Мiнскага i Слуцкага Фiларэта, Патрыяшага Экзарха усей Беларусi. З нязгаснай лампадай са святым агнем удзельнiкi экспедыцыi пройдуць да Нясвiжа. 6 верасня адбудзецца шэсце удзельнiкау экспедыцыi. Ля замка Радзiвiлау пройдзе свята “Скарынаускi кiрмаш”.

У Нясвiжскiм парку конкурсы, вiктарыны i гульнi будуць запрапанаваны хлопчыкам i дзяучынкам на свяце дзiцячай кнiгi “Напiсанае застаецца”. Прыемны будзе дзень i для аматарау фальклору. Для iх арганiзатары падрыхтавалi фальклорна-этнаграфiчную праграму “Кола народных вытокау”, а таксама экспазiцыю пад аткрытым небам разгарне этнаграфiчны музей.

Завершыцца Дзень беларускага пiсьменства i друку паказам “Карцiны старажытнай культуры” i гала-канцэртам, дзе будуць выступаць лепшыя мастацкiя калектывы краiны.

Вольга Шчадрына.

БелТА.