З пiвам пацягне... на рэкорд! (04.12.97)

Нiбыта корак з бутэлькi, выляцеу з ганаровага месца лiдэра папярэднi "коркавы" рэкорд Гiнеса... 3 снежня 35-гадовы магiляучанiн Аляксандр Бендзiкау афiцыйна перабiу сваiх калег па удачы i устанавiу новы сусветны рэкорд, якi трапiць у кнiгу Гiнеса. Аляксандр пабудавау трохбаковую пiрамiду з 410.040 пiуных накрывак з сiмволiкай беларускага АВ "Крынiца".

Гэта трэцяя удалая спроба Сашы трапiць у прэстыжную Кнiгу рэкордау Гiнеса. Усяго 42 днi -- свой водпуск плюс старанна назапашаныя за год адгулы -- спатрэбiлiся супрацоунiку магiлёускай пажарнай аховы Аляксандру Бендзiкаву, каб абыйсцi сваiх папярэднiкау на 9045 накрывак i зменшыць час пабудовы пiрамiды, лёс якой двойчы вiсеу на валаску. Першы раз, здзьмухваючы надакучлiвую муху, што села на вяршынi, рэкардсмен перастарауся i садзьмуу частку накрывак. Другi -- учора у час прэс-канферэнцыi, калi на пiрамiду ледзь цi не упау нехта з заузятых фотакорау. Але сумненняу у рэкордзе ужо няма, зрэшты, як i у абяцаннi генеральнага дырэктара АВ "Крынiца" Уладзiмiра Бадрова. Ён запэунiу: неузабаве гэты рэкорд будз-е сiмвалiчна увекавечаны новай маркай пiва, якое, не выключана, будзе называцца "Аляксандр".

Юрый Святакум.

Фота Iнстытута ПР.