Условия перепечатки информации из электронного варианта газеты «Вечерний Минск»

---

З Вольгай Герасiмовiч мы пазнаёмiлiся, калi ёй было шэсць гадоў. Зусiм яшчэ маленькую дзяўчынку бацькi заявiлi для ўдзелу ў дзiцячых спаборнiцтвах па шахматах. Тады для таго, каб бачыць дошку, яна змушана была стаяць на крэсле. Ужо ў першым у сваiм жыццi турнiры, да здзiўлення многiх, атрымала першыя ачкi. Не ўсё складвалася ўдала ў яе шахматным жыццi, ды i нiхто не разглядаў захапленне Олi сурьёзна. Але ў дзевяць гадоў яна нечакана для ўсiх заняла другое месца на чэмпiянаце рэспублiкi ў сваёй узроставай групе i атрымала права прадстаўляць Беларусь у чэмпiянаце свету сярод дзяцей.

За прайшоўшыя гады Вольга ўдзельнiчала ў двух дзесятках самых розных спаборнiцтваў. Гэта чэмпiянаты свету i Еўропы ў Бразiлii, Iспанii, Францыi. Дзяучынка прывозiла кубкi за паспяховыя выступленнi з Францыi i Польшчы. А ўвогуле ў жыццi Вольга мiлае дзiця, вельмi добразычлiвае.

Прыемна назiраць за адносiнамi сiвога трэнера Анатоля Алiпава i яго юнай вучанiцы -- роўныя, паважлiвыя. А яшчэ ў настаўнiка Вольгi вельмi шмат таленавiтых вучняў, якiя паспяхова выступаюць на ўсiх узроўнях. Сярод iх нават ёсць чэмпiён свету Юра Цiханаў. Анатоль Аляксеевiч пры добрых i мягкiх адносiнах да сваiх выхаванцаў, не фарсiруючы падрыхтоўку, заўсёды ставiць перад iмi максiмальныя задачы.

Вось i на апошнiм чэмпiянаце Рэспублiкi Беларусь Вольга ўпэўнена, нават пасля збою на старце, стала чэмпiёнкай.

Click Here to Return Back

Webmasters, contact Belarus.net support
Click Here to visit Belarus.net