Условия перепечатки информации из электронного варианта газеты «Вечерний Минск»

---

Мiнск-рэтра (29.01.97)

Са старых газет, часопiсаў, кнiг

1. Абавязковыя пастановы мiнскага губернатара

Лiчу патрэбным папярэдзiць жыхароў горада Мiнска:

1) 8, 9 i 10 студзеня ўсе жыхары абавязаны пазней 8 гадзiнаў вечара не пакiдаць сваiх дамоў i кватэр без належнага пасведчання ад палiцыi ў тым, што iм сапраўды неабходна па справах службы альбо па асабiстых справах выйсцi з дому пазней вызначанага часу.

2) Папярэджваю ўсiх домаўладальнiкаў, што з 8 гадзiнаў вечара вароты i брамкi ўсiх дамоў павiнны быць зачыненыя на замкi (запоры).

Асобы, вiнаватыя ў парушэннi гэтых пастаноў, штрафуюцца ў адмiнiстрацыйным парадку, паводле пастановы губернатара, на тры тысячы рублёў i заключаюцца ў турму або крэпасць да 3 месяцаў.

Учарашнi дзень прайшоў у нашым горадзе даволi спакойна.

У майстэрнях Лiбава-Роменскай i Маскоўска-Брэсцкай чыгунак работы не спынялiся ўвесь дзень, хаця, як перадаюць, агiтацыя на карысць страйку 9 студзеня вялася даволi паспяхова. На абедзвюх чыгунках паязды ходзяць нармальна; пасажыраў параўнальна менш, чым у звычайныя днi, таму, трэба думаць, што гэтым днём паўсюдна чакалiся непарадкi, а адпаведна, нельга было разлiчваць i на нармальны рух паяздоў. Вакзалы ахоўваюцца войскамi мясцовага гарнiзона. Не працавалi ўчора на машынабудаўнiчым заводзе Якабсона i Лiфшыца i на некаторых больш дробных заводах i фабрыках, на кацельным жа заводзе Якабсона i Лiфшыца работы праводзiлiся.

Нядзеля -- першы дзень апублiкавання абавязковых пастаноў Мiнскага губернатара аб забароне выходзiць на вулiцу пасля 8 гадзiнаў вечара i iнш. прайшоў зусiм спакойна. Праехаўшы на вакзал Лiбава-Роменскай чыгункi да поезда, што прыходзiць каля 9 гадзiнаў вечара з Вiльнi, мы не сустрэлi на вулiцы нiчога незвычайнага, i нас нiхто нават не спынiў. Магазiны i крамы былi зачыненыя, але не ўсе, некаторыя гандлявалi, былi адчыненыя, мiж iншым, булачныя, кандытарскiя, гасцiнiцы. На вакзале не было прыкметна звычайнага руху i ажыўлення, але пасажыры, нiкiм не затрымлiваемыя, спакойна яд'язджалi ў горад.

Вучанiцам Марыiнскай жаночай гiмназii забаронена iх начальствам наведанне наладжанага ў Губернатарскiм садзе катка, з-за чаго зараз на двары гiмназii робiцца свой каток, на якiм вучанiцы i змогуць катацца ў вольныя ад заняткаў гадзiны. Канькi iм дазволена захоўваць у памяшканнi гiмназii. Двор у гiмназii даволi шырокi i месца для катання будзе дастаткова.

У вынiку моцных маразоў многiя магiстралi гарадскога вадаправоду, асаблiва на ўскраiнах, дзе пракладзены трубы часовага тыпу, застаюцца замерзлымi, з-за чаго некаторыя ўскраiны пазбаўлены вадаправоднай вады.

Канстанцiн Адамавiч Гiнтар. Фабрыка ўласных вырабаў розных гатункаў лiтоўскiх вяндлiнаў. Мiнск губернскi, рог Захар'еўскай i Серпухоўскай вулiц, уласны дом.

("Каталог Мiнскай сельскагаспадарчай i саматужна-прамысловай выстаўкi 1901 г.").

Многiя людзi любяць есцi часнок -- ён дапамагае пры хваробах. Але iншыя не любяць яго есцi з прычыны яго непрыемнага паху. Вось сродак знiшчыць гэты пах: калi цыбулiнкi часночныя добра пацерцi аб скарынку iржанога хлеба, дык знiкне ўласцiвы часнаку пах, але смак застанецца.

Click Here to Return Back

Webmasters, contact Belarus.net support
Click Here to visit Belarus.net