Условия перепечатки информации из электронного варианта газеты «Вечерний Минск»

---

Днямi жыхары аднаго з дамоу па вулiцы Рафiева у Мiнску пачулi сумную вестку: з акна iхняй дзевяцiпавярхоукi выкiнулася жанчына. Натуральна, у такiх выпадках суседзi, нават калi i не ведалi нябожчыка, аддаюць грошы на пахаванне. Некаторыя дзеляцца, здараецца, нават апошнiмi рублямi. У адной з кватэр, куды прыйшлi за жалобнай дапамогай, не знайшлося грошай. Гаспадар дакладна даведауся, дзе будзе пахаванне, i калi грошы з'явiлiся, пайшоу туды. Як жа ен буу здзiулены, калi у названай кватэры усе аказалiся жывымi i здаровымi...

Яно, вядома, вельмi добра. Але ж колькi людзей дарма аддалi свае кроуныя, добраахвотна ахвяруючы iх маладому чалавеку з журботным тварам! Верылi, бо ен апавядау падрабязнасцi. Па яго словах, з акна 4-га паверха скочыла 38-гадовая медсястра з 10-й гарадской бальнiцы. Казау, што была яна надта добрым чалавекам, талковым спецыялiстам, нiколi нiкому у дапамозе не адмауляла. Жыла праз пад'езд. Грошай, мауляу, людзi даюць ад 20 тысячау i болей... Ну а для перакананасцi, махляр быу без верхняй вопраткi.

Такую вось гiсторыю распавяла адна з жыхарак гэтага дома. Я вырашыла праверыць дакладнасць гэтага факта. Быць можа, добры чалавек пераблытау нумар названай кватэры? На мае тэлефанаванне у 10-ю бальнiцу галоуны урач Есiп Ржэуцкi адказау, што нiякiх раптоуных смярцей у калектыве не было...

Колькi тысяч рублеу выманiу прайдзiсвет -- аднаму яму вядома. Няужо не пяклi рукi гэтыя "магiльныя" грошы? Даверлiвым жа людзям варта нагадаць, што ахвяраваннi на пахаванне збiраюць звычайна жанчыны, якiя улетку сядзяць каля пад'ездау на лавачках, i якiх жыхары па меньшай меры ведаюць у твар. Ды i па адным у такiх выпадках хадзiць не прынята.

Click Here to Return Back

Webmasters, contact Belarus.net support
Click Here to visit Belarus.net