Высокай узнагароды Расейскай Федэрацыi -- ордэна Дружбы -- удастоены 33 работнiкi ваенна-прамысловага комплекса Беларусi. Пра гэта гаворыцца ва Указе Прэзiдэнта Расеi Барыса Ельцына ад 29 снежня 1997 года. Па асабiстым даручэннi главы расейскай дзяржавы узнагароды беларусам уручыу 24 сакавiка Надзвычайны i Паунамоцны Пасол Расеi у нашай краiне Валерый Лашчынiн.

-- Значнасць ордэна Дружбы сення мнагакратна узрастае, таму што уручаецца ен за мацаванне абароназдольнасцi у складаны час, калi мы жывем у розных дзяржавах, -- сказау Валерый Васiльевiч. -- Беларусы разам з расейскiмi калегамi унеслi вялiкi уклад у распрацоуку i стварэнне супрацьракетнай сiстэмы Масквы. I гэтая iх праца адзначана годна.

Ад iмя i па даручэннi главы беларускай дзяржавы Аляксандра Лукашэнкi узнагароджаных цепла павiншавау кiраунiк адмiнiстрацыi Прэзiдэнта краiны Мiхаiл Мяснiковiч. Ен падкрэслiу, што гэтая урачыстая падзея глыбока сiмвалiчная, бо адбываецца напярэдаднi гадавiны утварэння Супольнасцi Беларусi i Расеi. Нашыя народы беражлiва пранеслi братэрскую дружбу праз вякi, заявiу Мiхаiл Уладзiмiравiч, i як самае каштоунае наследдзе мы перадаем яе наступным пакаленням.