Ен ведау Джорджа Вашынгтона

У Мiнскiм дзяржауным лiнгвiстычным унiверсiтэце прайшло пасяджэнне з нагоды 240-годдзя з дня нараджэння Юлiяна Урсына Нямцэвiча (1758--1841) -- пiсьменнiка, паэта, гiсторыка, дзяржаунага i культурнага дзеяча, якi пакiнуу прыкметны след у культуры Беларусi. У пасяджэннi прынялi удзел выкладчыкi унiверсiтэта i члены таварыства "Загараддзе" -- нараджэнцы Брэстчыны, радзiмы Нямцэвiча. Дацэнт О. Судлянкова расказала пра драматычны лес пiсьменнiка, якi быу паплечнiкам i сябрам Тадэуша Касцюшкi. Пасля паустанняу 1794 i 1831 гадоу Нямцэвiчу давялося падоугу жыць у выгнаннi.

У Злучаных Штатах ен пазнаемiуся з Томасам Джэферсанам, Джонам Адамсам i iншымi знакамiтымi асобамi. Пяру Ю. Нямцэвiча належыць адна з першых бiяграфiй Джорджа Вашынгтона, заснаваная на уражаннях ад асабiстых сустрэч пiсьменнiка з заснавальнiкам амерыканскай дзяржавы. Ен -- аутар шматлiкiх камедый, раманау, паэтычных творау, напiсаных па звычаях той эпохi на польскай мове.

Кастусь Цвiрка, галоуны рэдактар выдавецтва "Беларускi кнiгазбор", падзялiуся творчымi планамi, у якiя уваходзiць i публiкацыя тома творау Ю. Нямцэвiча, прачытау свой пераклад адной з "Гiстарычных песняу" паэта. Эмацыянальным быу расповiд Н. Лiпко пра лес сядзiбы Нямцевiчау у весцы Скокi пад Брэстам, дзе зараз плануецца адкрыць "Галерэю знакамiтасцяу Брэстчыны".

Вольга Карнялюк.