Канiкулы у "Дудутках"

Доуга рыхтавалiся супрацоунiкi музея матэрыяльнай культуры “Дудуткi”, што знаходзiцца у 40 кiламетрах ад Мiнска, да прыему дзяцей. Упершыню за усю гiсторыю свайго iснавання музей адчынiу дзверы лагера адпачынку для малазабяспечаных дзяцей малодшага школьнага узросту з Мiнска i вобласцi.

Кiраунiк ТАА “Дудуткi”-Тур”, якое узяло на сябе усе выдаткi па адпачынку дзяцей на працягу месяца, Валерыя Клiцунова паведамiла, што, акрамя пяцiразовага харчавання, медыцынскага абследавання i лячэння, дзецi атрымаюць веды па некалькiх напрамках. Экскурсii па музею, выстава дзiцячай творчасцi, спартыуныя спаборнiцтвы i спартакiяды, конкурсы дзiцячага малюнка, днi тэатра, музыкi i лiтаратуры правядуць з iмi прафесiйныя мастакi, майстры спорту i турызму. Удзел дзяцей у працы цэхау i промыслау музея, навучанне ганчарнаму рамяству i яздзе на конях стануць неад’емнай часткай iх адпачынку на прыродзе. Паходы i экскурсii па наваколлях са зборам гербарыя пройдуць пад кiраунiцтвам прафесара натуральных навук Анатоля Федарука.