Небяспечны "сувенiрчык " (23.11.96)

Звычайнае, увогуле, першынство Беларусi па гiмнастыцы, што праходзiла у мiнскiм спорткомплексе "Дынама", сабрала, як зауседы, нешматлiкiх гледачоу, у асноуным спецыялiстау, сваякоу i сяброу удзельнiкау спаборнiцтвау. I дарэмна: з Амерыкi, дзе абсталявауся з сям'ей, пагасцiць i патрэнiравацца са зборнай прыляцеу шасцiразовы алiмпiйскi чэмпiен Вiталь Шчэрба. I, вядома, не мог адмовiць сабе у задавальненнi зноу акунуцца у спаборнiцкую атмасферу i паказаць, нiбыта мiж iншым, што пораху у парахаунiцах дастаткова, i ен зусiм не адсырэу!..

I вось вялiкi спартсмен падыходзiць да перакладзiны, падскоквае, на iмгненне завiсае над ей, робiць некалькi махавых рухау i... Пачууся нечаканы i рэзкi, нiбыта ляснула струна у цiшынi, воплеск, якi прымусiу прысутных у зале уздрыгануцца. Яго паходжанне растлумачыла злегку анямелай ад нечаканасцi публiцы эфектная карцiнка не для слабанервовых: зламауся турнiк, з якога, нiбыта падбiтая птушка, сарвауся i упау Вiталь Шчэрба, не паспеушы набраць абароты.

Балазе, усе абыйшлося без эксцэсау. Праз некалькi мiнут каварны снарад адрамантавалi, спакойны Шчэрба чыста адрабiу камбiнацыю i з задаволенай усмешкай, нiбыта нiчога не адбылося, накiравауся рыхтавацца да наступнага практыкавання. А пасля спаборнiцтвау, выхваляючыся, прыхапiу з сабой абломак злашчаснага турнiка: "А што, нядрэнны сувенiрчык на успамiн!"

Click Here to Return Back

Webmasters, contact Belarus.net support
Click Here to visit Belarus.net